09:14, 27 декабря 2019, Бишкек - 24-kg.com
Бишкектеги Травматология жана ортопедия илимий-изилдөө борборунда кыргыз-тажик чек арасында жабыркагандардын бири дарылануусун улантууда. Бул тууралуу 24-kg.com агенттигине аталган борбордон билдиришти.
Маалыматка ылайык, аскер кызматкери октон жаракат алган. Ага операция жасалып, денесинен окту алып чыгышты.
«Жабырлануучунун абалы салыштырмалуу канааттандыраарлык. Ал керектүү дары-дармектерди алууда», — деп айтылат маалыматта.
Саламаттык сактоо министрлигинен билдиришкендей, калган жабырлануучулар Баткен облустук бириктирилген ооруканасынан чыгышты.
Эске салсак, окуя 18-декабрда саат 9да Көк-Таш айылында башталган.