Баткен райондук соту Куралдуу Күчтөрдүн Башкы штабынын № 30630 аскер бөлүмүнүн командирин жазадан бошотту. Бул тууралуу 24-kg.com сайтына укук коргоо органдарынан билдиришти.
Маалым болгондой, Н.К. аттуу жаран «Куралга этиятсыз колдонуу» беренеси боюнча айыпталууда. Ал аскер кызматкерине кокустан от чыгарып алган.
«Аскер бөлүгүнүн окуу полигонунда практикалык ок атуу иштери жүрүп жаткан. Офицер өздүк курамга куралды кантип колдонуу керектигин көрсөтүп жатканда кокустан ок чыгып, келишим кызматкеринин мойнуна тийип, ден-соолугуна олуттуу зыян келтирилген. Сот мунапыс колдонуп, айыпталуучуну жазадан бошотту», — деп билдирди укук коргоо органдары.
