09:23, 15 июня 2020, Бишкек - 24-kg.com
Нарын районунун тургундары эми Кочкорлук чабандардын Кара-Кужур аймагына киришине каршы чыгышты. Кечээ күнү жайлоодо эки тараптын эли чогулду.
Кара-Кужур аймагынын тургундары Кочкор районунун чабандары Кара-Кужур кыштоосуна мыйзамсыз көчүп келишкенин айтышты. Жайлоодо тирешкен элди тынчытуу үчүн күч түзүмдөрү тартылды.
Эскерте кетсек, эки райондун эли Кум-Бел жайлоосун дагы талашууда. Ал жайлоого көчүп барган Кочкор районунун тургундарын Нарын районунун Жерге-Тал айылынын өкүлдөрү жол тосуп киргинбей коюшкан.
Жайыт маселеси бүгүн Жогорку Кеңештин комитетинде каралат.