8-апрелге карата өлкөдө кызамыктын 7 миң 864 учуру катталды. Бул жөнүндө 24-kg.com агенттигине Республикалык иммунопрофилактика борборунан билдиришти.
Мекеме кызамык вирусу өзгөчө Бишкек шаарында, Чүй жана Жалал-Абад облустарында жайылып жатканын билдирди.
«Бунун себеби — оорулуулар менен байланышта болгон адамдардын арасында вирус кеңири жайылып жатат», — деп белгиледи мекеме.
Саламаттык сактоо министрлиги кызамыкка каршы күрөшүү боюнча профилактикалык иш-чараларды күчөтүп жатат.
«Урматтуу ата-энелер! Балаңызды эмдөө менен сиз аны жана анын айланасындагыларды коопсуз жана олуттуу оорудан коргойсуз», — деп белгиледи борбор.
