Кыргызстанда жыл башынан бери кызамык вирусунан эки ымыркай чарчап калды. Маалыматты 24-kg.com агенттигине Республикалык иммунопрофилактика борборунун директору Гүлбара Ишенапысова тастыктады.
Маалыматка ылайык, ымыркайлар бир жашка чыга элек болгондуктан эмдөө алышкан эмес.
Буга чейин маалымдалгандай, 2023-жылдын жыйынтыгы боюнча республикада кызамыктын 7 миң 46 учуру, 2024-жылдын 7-апрелине карата 8 миң 209 учуру катталган. Алардын 37,5 пайызын ата-энеси эмдөөдөн баш тарткан балдар түзөт.
Өткөн жылы кызамыктан 1 жаштан 18 жашка чейин 8 бала каза болуп, беш айлык бир наристе чарчап калган.
Саламаттык сактоо министрлигине балдарды кызамыкка каршы эмдөө жана оорунун алдын алуу боюнча ишти күчөтүү тапшырылган.
