Дүйнөдөгү эң узун ультрамарафон Кыргызстанда Ысык-Көлдүн айланасында өтөт. Бул тууралуу уюштуруучулар билдирди.
2025-жылдын 5-10-майында Ысык-Көлдүн жээгинде биринчи эл аралык алты күндүк марафон «Ультра Ысык-Куль» (Issyk Kul Six-Day Challenge) өтөт.
Бул иш-чара Кыргыз Республикасынын Туризмди өнүктүрүүнү колдоо фондунун колдоосу менен уюштурулуп, GOMU — Global Organization of Multi-Day Ultramarathoners тарабынан бекитилген, ал «Ультра Ысык-Көлдү» дүйнөдөгү эң узун алты күндүк ультрамарафон деп тааныды.
Маршруттун узундугу 460 км болуп, региондун негизги табигый кооздуктарын камтыйт, анын ичинде:
— кооз Ак-Булун коругу
— сырдуу Жети Өгүз аскалары
— «Сказка» каньонунда, старт жана финиш болот.
Марафондо АКШ, Улуу Британия, Германия, Швейцария, Россия жана Беларуссиядан келген спортчулар катышат. Мелдештин коопсуздугун камсыздоо үчүн ар бир катышуучу бельгиялык Legends Tracking компаниясынын GPS-трекери менен жабдылат, бул көрүүчүлөргө алардын кыймылын реалдуу убакыт режиминде көзөмөлдөөгө мүмкүнчүлүк берет.
Кыргыз Республикасынын Туризмди өнүктүрүү колдоо фонду бул демилгени сыймыктануу менен колдойт жана өлкөнүн бардык тургундарын жана конокторун спортту, табиятты жана эл аралык кызматташтыкты бириктирген бул чоң окуянын бөлүгү болууга чакырат.
Кыргыз Республикасы үчүн бул жөн гана спорттук иш-чара эмес, өлкөнүн эл аралык туризм жана активдүү эс алуу борбору катары имиджин бекемдөөгө болгон маанилүү кадам.
