Жалал-Абад облусунда 870тен ашык ипотекалык батирлер май майрамдарынан кийин жарандарга берилет. Бул тууралуу президенттин Иш башкармалыгынынжетекчиси Каныбек Туманбаевдин жетекчилиги астында Мамлекеттик ипотекалык компания (МИК) ачык акционердик коомунда өткөн жумушчу жыйындын жыйынтыгында айтылды.
Буга байланыштуу Каныбек Туманбаев ишти тездетүүнү талап кылып, Мамлекеттик шайлоо комиссиясына жарандар үчүн процедураны жеңилдетүү максатында Тундук тиркемеси аркылуу арыз берүү мүмкүнчүлүгүн тез арада ишке киргизүүнү тапшырды.
Турак жай алуу үчүн кезек күтүүлөрдүн бар экендигин эске алып, Президенттин Мүлктү башкаруу дирекциясы Мамлекеттик шайлоо комиссиясына кезекте тургандар менен түшүндүрүү иштерин жигердүү жүргүзүүнү тапшырды: элге арыз берүүнүн тартиби, тизмелерди түзүү жана батирлерди бөлүштүрүү эрежелери тууралуу маалымат берүү.
Каныбек Туманбаев бардык процесстер мүмкүн болушунча ачык, түшүнүктүү жана жарандар үчүн жеткиликтүү болушу керектигин өзгөчө баса белгиледи.
Эске салсак, мамлекеттик турак-жай мекемеси түзүлгөндөн кийин 10 миңден ашык үй-бүлө турак жай сатып алышкан.
