12-16-май күндөрү Боом капчыгайында кооптуу тектерди түшүрүү иштери жүргүзүлөт. Бул тууралуу «Кыргыз темир жолу» мамлекеттик ишканасынын басма сөз кызматы билдирди.
Маалыматка ылайык, жумуш Бишкек-Нарын-Торугарт унаа жолунун 129-чакырымында (темир жолдун 3899-чакырымында) аба ырайынын шарттарын эске алуу менен жүргүзүлөт.
Иштер жол жарым-жартылай жабылгандан кийин күндүзгү сааттарда КР ИИМ Жол кыймылынын коопсуздугун камсыздоо башкы башкармалыгынын кызматкерлери тарабынан жергиликтүү убакыт боюнча саат 09:00дөн 15:00гө чейин жүргүзүлөт.
Жолду тазалоо учурунда унаа кыймылы бир тилкеге багытталат. Эгерде 30-40тан ашык унаа топтолуп калса, таштарды түшүрүү иштери токтотулуп, унаалар өтүшү мүмкүн.
