Кыргызстанда бала кезинен майыптыгы боюнча пенсия кечиктирилип берилүүдө. Бул тууралуу 24-kg.com агенттигине окурмандар билдиришти.
Ысык-Көл облусунун Жети-Өгүз районундагы Кызыл-Суу айылынын тургунунун айтымында, төлөмдөр мурда ар бир айдын 9-10унда түшчү, бирок бүгүн 14-май, акча жок, себебин эч ким билбейт деп жатат.
Бишкектин Биринчи Май районунун тургуну аларда да ушундай көйгөй бар экенин кошумчалады. «Мурда майрамдарга байланыштуу төлөмдөр эки күнгө гана кечиктирилип келген», — деп белгиледи ал.
Эмгек, социалдык коргоо жана миграция министрлиги 24-kg.com агенттигине каржылоодо көйгөй жок экенин, акча 15-майга чейин келиши керектигин билдирди.
Эске салсак, Кыргызстанда 1-майдан 11-майга чейин жумуш эмес күн болгон.
Жаңылыкты 0555312024 номерине WhatsAppка жөнөтүп кабарласаңыз болот.
