14:41, 14 мая 2025, Бишкек - 24-kg.com
Бишкек шаардык мэриясынын Капиталдык курулуш башкармалыгы «Арча-Бешик» конушундагы магистралдык суу түтүгүн алмаштыруу үчүн тендер жарыялады. Бул тууралуу мамлекеттик сатып алуулар порталы билдирди.
Маалыматка ылайык, иш Күйүкова көчөсү менен Чортековадан Жылга-Сай көчөсүнө чейин жүрүп жатат. Алмаштыруу үчүн 13 млн 349 миң сом бөлүү пландалууда.
Арыздар 28-майга чейин кабыл алынат.
2023-жылы Арча-Бешик конушунда Айылчиев көчөсүнө Ыбырайым Абдрахманов көчөсүнөн Жайыл Баатыр көчөсүнүн түштүк тарабына чейин таза суу түтүктөрү тартылган.