Диетолог Жонатан Пуртелл кулпунайдын ден соолукка тийгизген укмуштуу пайдаларын атады. Ал мөмөнүн пайдалуу касиеттери тууралуу Championat.com сайтына айтып берген.
1. Кандагы канттын деңгээлин кармап турат. Гликемикалык индекси төмөн болгондуктан, кулпунай башка азыктар сыяктуу кандагы канттын кескин көтөрүлүшүнө алып келбейт. Бул кант диабети менен ооруган адамдар үчүн витаминдердин эң сонун булагы.
2. Кулпунай сезгенүүгө каршы жана жараатты айыктыруучу таасирге ээ. Андагы антиоксиданттар С витамини менен айкалышып, остеоартрит сыяктуу шарттарда ооруну жана сезгенүүнү азайтып, теринин айыгышына көмөктөшөт.
3. Жүрөктүн ден соолугун чыңдайт. Аптасына кеминде үч порция кулпунай жеп жүрүү инфаркт коркунучун азайтат. Антоцианиндер (антиоксиданттар), флавоноиддер жана калий да кан басымды нормалдаштыра алат.
4. Дени сак иммундук системаны колдойт. Кулпунайдагы С витамининин көп болушу организмди вирустардан жана бактериялардан коргогон иммундук системанын клеткаларын бекемдейт.
5. Фолий кислотасынын деңгээлин жогорулатат. Кулпунай дененин ДНКсын сактоо үчүн маанилүү болгон фолий затынын булагы катары кызмат кыла алат.
6. Рак коркунучун азайтышы мүмкүн. Кулпунайдын курамындагы антиоксиданттар рак оорусунан коргойт. Диетологдун айтымында, бир катар изилдөөлөр бул кошулмалар сезгенүүнү жана рак клеткаларынын жайылышын азайта аларын көрсөткөн.
7. Холестериндин деңгээлин төмөндөтүүгө жардам берет. Мөмөнүн күнүмдүк керектөөсү жалпы холестериндин деңгээлин 10% га жана «жаман» холестериндин деңгээлин 13% га азайтууга жардам берет.
8. Когнитивдик жөндөмдүүлүктөрүн жакшыртат. Кээ бир изилдөөлөр кулпунайды күн сайын жеп туруу мээнин саламаттыгына жардам берип, когнитивдик процесстердин ылдамдыгын жана иштешин жакшыртат деп эсептейт.
