Медицина илимдеринин кандидаты, диетолог Андрей Бобровский жумуртка толук протеиндин баалуу булагы болуп саналат жана бардык керектүү аминокислоталарды камтыйт деп билдирди. Бул тууралуу «Чемпионат» басылмасы жазууда.
«Жумуртканын курамында дагы бир катар витаминдер бар: A, B, E. Жумурткадагы дагы бир кызыктуу зат — бул холин, ал мээ клеткаларынын, нейрондордун иштешин жакшыртат, боордун жана нервдердин саламаттыгына жакшы таасирин тийгизет. Ал эми жумурткада көптөгөн антиоксиданттар бар, алар көрүү жөндөмдүүлүгүнө жакшы таасир этет», — дейт эксперт.
Диетолог жумуртка эң арзан азыктардын бири экенин белгиледи. Алар кенен ассортиментте жана ар кандай баада бар.
«Жумуртка жегенден кийин токчулук сезими узакка созулат жана семирүүнүн жана ашыкча салмактын алдын алуу жагынан бул маанилүү параметр. Жумуртканын курамында зыяндуу каныккан майларга караганда ден соолукка пайдалуу каныкпаган май кислоталары бар», — деп жыйынтыктады дарыгер
