Медициналык эксперт Кашух ичеги-карын оорулары жана аз кандуулук менен жабыркагандарга чайды таштоого кеңеш берди
Чай адамзаттын сүйүктүү суусундуктарынын бири, бирок ашказан-ичеги оорулары, ошондой эле башка ден соолук көйгөйлөрү бар адамдар аны ашыкча колдонуудан алыс болушу керек. Мындай сунушту «РИА Новостиге» берген маегинде дарыгер Екатерина Кашух билдирди.
— Ашказан же ичеги жарасы барларга ач карын же көп өлчөмдө чай ичүүгө болбойт; аз кандуулук менен ооругандар чайды көп ичпеши керек, — деди дарыгер.
Дарыгер кошумчалагандай, кара чай бөйрөк оорусу же бөйрөктө таш пайда болуу тенденциясы бар адамдарга да сунушталбайт. Ал эми чөп чайлар аллергия менен ооругандар үчүн кооптуу болушу мүмкүн.
