05:20
USD 87.45
EUR 99.56
RUB 1.10

Алтын казган компаниялар бюджетти 158 миллиард сомдон ашык суммага толукташты

Кыргызстанда алтын казууга адистешкен компаниялар өлкө бюджетине салыктык чегерүү түрүндө 158 миллиард сомдон ашык каражат которду. Бул тууралуу Мамлекеттик салык кызматынын басма сөз кызматы билдирди.

Маалыматка ылайык, 2020-жылдан 2024-жылга чейин 160 тоо-кен казып алуу ишканалары бюджетке 147,5 миллиард сомго жакын салык киргизген.

2025-жылдын биринчи кварталында бул сумма тармактын ишканаларынан дагы 10,8 миллиард сомго толукталды.

Түздөн-түз алтын казып алуу менен алектенген ишканалардан салык төлөмдөрүнүн жылдык динамикасын кароодо төмөнкүдөй көрүнүш пайда болот:

2020-жылы 16,9 млрд сом төлөндү;

2021-жылы 21,6 млрд сомду түзгөн;

2022-жыл 41,1 миллиард сом киреше менен рекорддук жыл болду;

2023-жылы бул көрсөткүч 32,5 млрд сомго жеткен;

2024-жылы жыйымдардын жалпы көлөмү 35,4 миллиард сомду түздү.

Эң көп окулган жаңылыктар