13:17, 27 мая 2025, Бишкек - 24-kg.com
Алдын ала маалымат боюнча саат 11:48де нөөмөт бөлүмүнө Жалал-Абад шаарынын Навои көчөсүндө жайгашкан жеке бала бакчанын ашканасынан өрт чыккандыгы тууралуу маалымат түшкөн. Бул тууралуу Өзгөчө кырдаалдар министрлиги билдирди.
Өрттү өчүрүүгө саат 11:49да Жалал-Абад шаарындагы № 20 өрт-куткаруу бөлүмүнүн 1- жана 2-бөлүмдөрү тартылган. Куткаруучулар бала бакчадан 32 баланы эвакуациялап, газ баллондорун коопсуз жайга алып чыгышкан.
Өрттүн жалпы аянты 120 чарчы метрди түзгөн. Учурда өрттүн келип чыгуу себептери иликтенип жатат.