Бишкекте балдардын"Наристе" фольклордук фестивалы башталат

20:21, 30 мая 2025, Бишкек - 24-kg.com

Балдарды коргоо күнүнө карата 31-майда Бишкекте V Эл аралык «Наристе» фольклордук фестивалынын салтанаттуу ачылышы болот. Бул тууралуу муниципалитеттин басма сөз кызматы билдирди.

Фестивалга 11 мамлекеттен келген 500 бала катышып, 4-июнга чейин уланат.

Фестивалга өлкөнүн жети облусунан Эл аралык жана Бишкек Дельфий оюндарынын жеңүүчүлөрү, Венгрия, Кытай, Монголия, Болгария, Индия, Казакстан, Түркия жана Россия Федерациясынын шаарларынан: Москва, Санкт-Петербург, Новосибирск, Тыва Республикасы жана Татарстан Республикасынан келген чыгармачыл топтор катышат.

1-июнда саат 19.00дө Ала-Тоо аянтында фестивалдын катышуучуларынын жана борбор калаанын чыгармачыл топторунун майрамдык концерти болот.