14:44, 13 июня 2025, Бишкек - 24-kg.com
Борбор калаанын Октябрь районундагы Токомбаев көчөсү, 21/1г дарегиндеги көп кабаттуу үйдүн кире бериштеринин биринде өрт чыкты. ӨКМ басма сөз кызматы билдиргендей, өрт 2-кабаттын электр калканынан чыккан.
Окуя болгон жерге үч өрт өчүрүүчү бригада жөнөтүлгөн.
Өзгөчө кырдаалдар министрлигинин кызматкерлери имараттын тургундарын эвакуациялашты. Жабыркагандар жана өрттүн аймагы тууралуу маалымат такталууда.