14:21, 17 июня 2025, Бишкек - 24-kg.com
Жогорку Кеңештин депутаты Балбак Түлөбаевдин талапкерлиги Сот адилеттиги боюнча кеңешке сунушталды. Бул тууралуу Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында айтылды.
Комитет төмөнкү талапкерлерди карап чыгып, Жогорку Кеңештин кароосуна жиберди:
— Бакыт Кыдыралиева (президенттин атынан);
— судьялар Мукамбет Касымалиев, Нургүл Асанова, Диляра Арстанбаева, Айбек Молдакунов, Элмира Барктабасова, Санжар Чотонов, Айжан Рыскулова, Гүлназ Кадырова (Судьялар кеңеши тарабынан шайланган);
— депутат Балбак Түлөбаев («Ынтымак» парламенттик фракциясынан өкүл);
— Эрлан Базарбаев, Акыйкат Каримов, Гүлжан Кошокова (юридикалык коомчулуктун өкүлдөрү).
Кыргыз Республикасынын Сот адилеттиги боюнча кеңеши судьялык кызматка талапкерлерди тандоочу көз карандысыз коллегиалдуу орган болуп саналат. Ал соттордун, президенттин, Жогорку Кеңештин, Элдик Курултайдын жана юридикалык коомчулуктун өкүлдөрүнөн түзүлөт.
Конституцияга жана «Жогорку Кеңештин депутатынын статусу жөнүндө» мыйзамга ылайык, эл депутатынын ээлеген кызматы башка мамлекеттик кызматтарга жана айрым органдарга мүчөлүккө шайкеш келбейт деген принцип бар. Андыктан Балбак Түлөбаев Адилет кеңешине талапкерлиги жактырылгандан кийин депутаттык ыйгарым укуктарын токтотушу мүмкүн.