Кыргызстандык Мыктыбек Оролбай UFCде азербайжандык Тофик Мусаевди эрте жеңип алды. Азербайджанда биринчи жолу өтүп жаткан UFC турниринин негизги картасынын алкагында жеңил салмактагы спортчулардын беттеши орун алды.
Эми кыргызстандыктын эсебинде UFCде эки жеңиш жана бир жеңилүү бар. Жалпысынан 27 жаштагы спортчу карьерасында 14 беттеште жеңишке жетип, эки беттеште жеңилсе, дагы бир беттеш тең чыгуу менен аяктаган.
Ал 2018-жылдын августунда аралаш мушташ боюнча профессионал чебер катары дебют жасаган. Ал дүйнөнүн эң күчтүү уюмуна 2023-жылдын ноябрында кошулган.
