Азия чемпионаты (U-17): Кыргыз грек-рим күрөшү боюнча курамасы 3-орунду ээледи

08:30, 25 июня 2025, Бишкек - 24-kg.com

Вьетнамда грек-рим күрөшү боюнча (U-17) Азия чемпионаты аяктады. Бул тууралуу United World Wrestling сайтында маалымдалды.

Кыргызстандын командасы жалпы эсепте үчүнчү орунду ээледи. Биринчи орунду Өзбекстан, экинчи орунду Казакстан ээледи.

Кыргызстандык команда экиден алтын жана коло медаль, үчтөн күмүш медаль тагынды.

Бүгүн, 25-июнда Эркин күрөш боюнча кыргызстандык балбандар Азия чемпионатында мелдештерин улантат.