13:18, 26 июня 2025, Бишкек - 24-kg.com
Мамлекеттик камсыздандыруу уюмунун Ош шаарындагы филиалы дем алыш жана майрам күндөрүн кошкондо күнү-түнү иштейт. Бул тууралуу Мамлекеттик камсыздандыруу уюмунун басма сөз кызматы билдирди.
Күнү-түнү иштөө режими жарандарга жумуш эмес убакта да полисти Рысбая Абдыкадыров көчөсү, 2А, Жамбы бизнес борборунда чыгарууга мүмкүндүк берет.
Иштөө режимин өзгөртүү 2025-жылдын 1-июлунан тартып Транспорт каражаттарынын ээлеринин жарандык-укуктук жоопкерчилигин милдеттүү камсыздандыруу жөнүндө Кыргыз Республикасынын Мыйзамынын күчүнө киришине байланыштуу.
Эскерте кетсек, 1-июлдан тарта ОСАГО полиси жок унаа айдаганы үчүн Жол кыймылынын коопсуздугун камсыздоо боюнча мамлекеттик инспекциянын кызматкерлери айдоочуларга 3 миң сом айып пул салышат.