Коопсуздук кызматы Кара-Балта шаардык мэриясынын кызматкерлерин кармады. Маалыматты 24-kg.com басылмасына күч түзүмдөрүндөгү булак тастыктады.
Белгилүү болгондой, мэриянын имаратында тинтүү иштери жүргүзүлүп, андан соң жергиликтүү мэр 39 жаштагы Мирлан Жекшенов жана дагы эки аткаминер кармалган. Алар коррупцияга шектелүүдө.
Мирлан Жекшенов президенттин 2025-жылдын 4-апрелиндеги буйругу менен Кара-Балта шаарынын мэри болуп дайындалган.
Эскерте кетсек, 24-июнда бийлик өкүлдөрү менен күч түзүмдөрүнүн жолугушуусунда Токмок шаарынын мэри Максат Нусувалиев УКМКнын башчысы Камчыбек Ташиевдин көрсөтмөсү менен кармалган. Аны менен бирге дагы бир аткаминер, курулуш компаниясынын жетекчиси жана маданият жана эс алуу багынын курулушуна жооптуу адам кармалды. Кийинчерээк сот алардын төртөөнү 2025-жылдын 24-августуна чейин тергөө абагында калтырган.
