Фучик көчөсүндөгү оңдоо иштерине байланыштуу автобустардын каттамдары өзгөрдү

11:03, 12 августа 2025, Бишкек - 24-kg.com

11-августтан 31-августка чейин Бишкек шаарынын Фучик көчөсүндө жүргүзүлүп жаткан оңдоо иштерине байланыштуу Чүй проспектисинен Москва көчөсүнө чейинки бөлүгүнүн батыш тарабы унаа кыймылы үчүн жабык болот.

Муниципалитеттен билдиришкендей, буга байланыштуу № 48, № 41, № 135, № 133, № 161 жана № 132 каттамдардын кыймыл схемасы убактылуу өзгөртүлдү.

Бишкек шаарынын мэриясы жаралган ыңгайсыздыктарга түшүнүү менен мамиле кылып, жол тыгынын алдын алуу үчүн жеке унаалардын ордуна коомдук транспортту колдонууга чакырат.