18:08, 19 августа 2025, Бишкек - 24-kg.com
Өзгөчө кырдаалдар министрлигинин башчысы Бообек Ажыкеевге «генерал-лейтенант» жогорку аскердик наамы ыйгарылды. Бул тууралуу президенттин маалымат кызматы билдирди.
Кыргыз Республикасынын Конституциясынын 70-беренесинин 10-бөлүгүнүн 2-пунктуна ылайык Ажикеев Бообек Эргешевичке «генерал-лейтенант» жогорку аскердик наамы ыйгарылды.
Тиешелүү жарлыкка президент Садыр Жапаров кол койду.
Белгилей кетсек, Бообек Ажыкеев Өзгөчө кырдаалдар министрлигин 2021-жылдын февраль айынан бери жетектеп келген.