Кыргызстандын эгемендүүлүгүнүн 34 жылдыгына карата 31-августта Ниагара шаркыратмасы кызыл жана сары түстөр менен жарыктандырылган. Бул тууралуу АКШнын Кыргызстандагы элчилиги билдирди.
Жарыктандыруу 22:30да башталып, жергиликтүү убакыт боюнча жана 15 мүнөткө созулат. Жарык Канада жана АКШ тараптан да көрүнүп турат.
Канадада жашаган кыргызстандыктар үчүн Түштүк-Чыгыш Flagpole аймагында жолугушуу уюштурулат. Анда Кыргызстандын гимни, «Кара-Жорго» флешмобу, улуттук аспаптарда музыкалык номерлерди тартуулоо пландалып жатат.
Иш-чара Монреалдагы кыргыз диаспорасы KG Québec-communauté kirghiz жана Niagara Parks администрациясынын колдоосу менен өткөрүлүүдө.
