Алымбек датканын 225 жылдыгына арналган Эл аралык айтыш өтөт

08:30, 08 сентября 2025, Бишкек - 24-kg.com

Кыргыз мамлекеттүүлүгүнүн тарыхында өзгөчө орду бар, элдин биримдиги менен азаттыгы үчүн эмгектенген мамлекеттик жана коомдук ишмер Алымбек датканын 225 жылдык мааракесине арналган кыргыз-казак төкмө акындарынын эл аралык айтышы өтөт. Бул тууралуу Маданият, маалымат жана жаштар саясаты министрлигинен билдирди.

Иш-чаранын максаты — улут азаттыгы үчүн кызмат өтөгөн улуу инсандын өмүр жолун жана өрнөктүү иштерин даңазалоо, коомго үлгү тутуу менен бирге кыргыз элинин байыркы төкмөлүк өнөрүн жайылтуу жана өнүктүрүү, коомчулукту ыйман-ызаатка, нарк-насилге үндөө болуп саналат.

ТАНДОО ТУРУ

• Качан: 2025-жылдын 11-сентябрында, саат 09:00

• Кайда: Алай райондук маданият үйү (Гүлчө айылы)

• Каттоо: саат 09:00–10:00 аралыгында

ФИНАЛДЫК АЙТЫШ

• Качан: 2025-жылдын 12-сентябрында

• Кайда: Алай районундагы Алымбек датканын жайлоосунда, мааракеге келген калың элдин алдында

БАЙГЕ ФОНДУ

6 000 000 сом