Кооптуу таштар түшүрүлөт: Боом капчыгайында жол жарым-жартылай жабылат

15:32, 03 октября 2025, Бишкек - 24-kg.com

6-октябрдан 10-октябрга чейин Боом капчыгайынын аймагында (Бишкек—Нарын—Торугарт унаа жолунун 128-чакырымы) кооптуу таштарды түшүрүү иштери жүргүзүлөт. Бул тууралуу «Кыргыз темир жолу» УК мамлекеттик ишканасы билдирет.

Маалыматка ылайык, кооптуу таштарды түшүрүү иштери аба ырайынын шарттарын эске алуу менен темир жолдун 3 898-чакырымында жүргүзүлөт.

Чектөөлөр жана мөөнөттөр:

• Иштер саат 09:00дөн 15:00гө чейин, күндүзгү убакытта жүргүзүлөт.
• Иш учурунда жол жарым-жартылай жабылат.
• Унаалар топтолгон таштар тазаланган учурда бир тилке менен өткөрүлөт.
• ИИМдин Жол кыймылынын коопсуздугун камсыздоо башкармалыгынын кызматкерлери аталган аймакта көзөмөл жүргүзүшөт.

Ишкана айдоочуларды жол кыймылындагы чектөөлөрдү эске алып, сапарларды алдын ала пландап алууну суранат.