Салык кызматынын «Ак-Жол-автодорожный» көзөмөл-өткөрүү пунктунун кызматкерлери мамлекеттик чек араны кесип өтүүдө мыйзамсыз дары-дармектерди жана ботокстун аналогдорун кармашкан. Бул тууралуу мекеменин басма сөз кызматы билдирди.
Маалыматка ылайык, жүктүн шайкештик сертификаттары жок жана жасалма коштомо документтердин белгилерин көрсөткөн.
Фото Салык кызматы . Мыйзамсыз жөнөтүлгөн дары-дармектер
Кармалган товардын болжолдуу баасы болжол менен 1,5 миллион сомду түзөт.
Мыйзамсыз жүк ташыган унаа камакка алынып, материалдар кошумча иликтөө үчүн бажы органдарына өткөрүлүп берилди.
