Талас шаарынын жаңы мэри болуп Нургазы Асылбеков дайындалды. Бул тууралуу президенттин маалымат кызматы билдирди.
Тиешелүү тескемеге президент Садыр Жапаров кол койду.
Талас шаарынын буга чейинки мэри Байышбек Астанакулов 2025-жылдын 16-июлунда Талас облусунун Талас районунун акими болуп дайындалган.
Нургазы Асылбеков 2022-жылдын май айынан бери Талас облусунун Бакай-Ата районунун агрардык өнүктүрүү башкармалыгынын башчысы болуп иштеген.
2022-жылдын 9-декабрынан бери Айтматов райондук ветеринария башкармалыгынын башчысы болгон.
2024-жылдын 17-январында Талас облусунун Манас районунун мамлекеттик администрация башчысынын орун басары жана акими болуп дайындалган.
2025-жылдын 14-апрелинде президенттин Талас облусундагы ыйгарым укуктуу өкүлүнүн биринчи орун басары болуп дайындалган.
