Чолпон Шамсутдин Санитардык-эпидемиологиялык көзөмөл департаменти башчысы болду

16:10, 15 января 2026, Бишкек - 24-kg.com

Бүгүн, 15-январда Оорулардын алдын алуу жана мамлекеттик санитардык-эпидемиологиялык көзөмөл департаментинин жаңы директору Чолпон Шамсутдин кызматкерлерге расмий түрдө тааныштырылды. Бул тууралуу департаменттин басма сөз кызматы билдирди.

Ал мурда департаменттин директорунун орун басары кызматын ээлеген жана санитардык-эпидемиологиялык көзөмөл жаатында көп жылдык тажрыйбасы бар.

Департамент жаңы директорго оорулардын алдын алууну күчөтүү жана санитардык көзөмөлдүн натыйжалуулугун жогорулатуу милдети жүктөлөрүн белгиледи.

Эскерте кетсек, Оорулардын алдын алуу жана мамлекеттик санитардык-эпидемиологиялык көзөмөл департаментинин директору Абдыкадыр Жороев 2025-жылдын ноябрь айында кызматтан кеткен.