Шашылыш билдирүү! Ашууларда жана унаа жолдордо кар көчкү түшүшү мүмкүн

10:35, 09 февраля 2026, Бишкек - 24-kg.com

Өзгөчө кырдаалдар министрлиги кар көчкүгө байланыштуу шашылыш билдирүү таратты.

Маалыматка ылайык, бүгүн, 9-февралда жаап өткөн жана күтүлүп жаткан жаан-чачынга байланыштуу, Кыргызстандын төмөнкү аймактарында кар көчкү күтүлөт:

• Бишкек — Ош унаа жолунун 121-138-чакырымдарындагы Төө-Ашуу ашуусу, 198-255-чакырымдарындагы Ала-Бел ашуусу, Чычкан капчыгайында;
• Ала-Бука — Каныш-Кыя унаа жолунун 65-101 чакырымдарындагы Чапчыма ашуусунда;
• Красная-Горка — Ак-Таш унаа жолунун 0-3-чакырымдарында;
• Мырза-Аке — Кара-Кулжа — Алайкуу унаа жолунун 65-110 чакырымдарында;
• Каракол — Эңилчек унаа жолунун 45-90 чакырымдарындагы Чоң-Ашуу ашуусун кар көчкү түшүүcү жана кар күрткүсү күтүлөт.

Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.